Хайртай ээждээ

Ээж минь таныгаа охин нь дэндүү ихээр санаж явдгаа дэндүү ихээр мэдрээд байна сүүлийн үед. Бурханы орондоо даанч гэнэтхэн яараад явсан таныгаа бодох тусам сэтгэл минь давчдаж байвч таныхаа тухай гэгээн сайхан бодол бүхэн  охиных нь сэтгэлд даанч ойрхон байдаг шүү ээж минь. Миний ээж дэндүү ухаалаг, ажилсаг, хүнийг хайрлаж чаддаг, хатуу байх үедээ ч хатуу байж чаддаг жинхэнэ сайхан монгол эмэгтэй байсан.
    Би багадаа аавыгаа дагаж мотоцикл энэ тэрийг нь засалцаад л эрэгтэй хүүхэд шиг байсан юм уу даа. Ээж минь намайг жинхэнэ охин хүүхэд болгох гэж нилээд  зүдэрсэн байх шүү. Нэг бол аавтайгаа хамт зурагтаар хоккей үзээд эсвэл ном уншаад нэг бол эрэг боолт яриад байгаа охиноо та юм оюулж сургах гэж бас сайхан хоол хийдэг болгох гэж нилээд үздэг байж билээ. Харин инээдтэй нь аав маань танаас намайг зугтаалгаж нуугдуулдаг байсан шүү дээ. Юм л бол намайг дагуулаад гарна. Шөнө хоккей үзэж сууж байгаад таныг хөдлөх тоолонд аав минь намайг танаас нууж дээлээ нөмөргөдөг байж билээ. 
    Охиноо төрүүлчээд ижийтэйгээ аавынхаа бор гэрт хөдөө амьдарсан тэр хэдэн сарыг охин нь одоо ч өдөр хоногтой нь санаж байна. Аавыг минь бурхан болоход таньд минь ямар хэцүү байсан ч ямар их тэвчээр сэтгэлийн тэнхээгээр тэр хэцүү бүхнийг давдаг байсныг хэдэн хүүхдүүдээсээ нуугдан байж уйлдаг байсныг тань охин нь санаж байна аа.
    Залуу байхдаа ажилчин хүний багахан орлогоор биднийгээ хэнээс дутаалгүй өсгөж бүгдийг нь их дээд сургуульд суралцуулж сайн хүн болгож өгсөн аав ээж хоёроороо охин нь бахархдагаа. Чин хайртай хүмүүс бурхны оронд уулздаг болохоор та хоёр минь уулзаад хамтдаа сайхан байгаа гэдэгт охин нь итгэлтэй байна аа.
    Охин нь тань шигээ хайр асгаруулсан сайхан ээж байх гэж хичээж л явна даа. Бурхны орноос охиноо харж байгаа гэдэгт итгэж таныхаа хэлсэн бүхнийг тодоос тод санаж ямагт сайн сайхан амьдрана аа охин нь... Охиндоо ч ах эгч нарт минь ч санаа зоволгүй бурхны орондоо амгалан байгаарай.

Орох оронгүй сууунааа гэж :)

Изинис гуай агаар муу байна гэсэн шалтгаанаар онгоцоо нисгэхгүй би гэдэг хүн хүний газар гүний нутагт /сүртэй наассс/ дахиад нэг хонох боловоо. 12 цаг гээд буудлаас гаркуу бол болохгүй тул гараад хий дэмий хийх ажилгүй ч ажил дээр ирээд суужээн доо. Одоо юу ч хийдийм байгаам хий дэмий жаахан блогрдог байх даа гэжж.

Жилийн тайлан

2010 он гарсаар үнэхээр завгүй ажилласаар зун ажлаа завсарлан 2 сар гаран сайхан амарсныг эс тооцуул бараг худалч хүнд нүдээ аниад нээх завсарт дууслаадаа. За тэгээд энэ оныхоо томоохон үйл явдлуудыг жагсаанаа

• 1 жилийн турш хэрэгжүүлсэн төслөө амжилттай дуусгах гэж сүүлийн 6 сарын турш гэрээ мартсан гэсэр болж ажилласаар амжилттай дуусгасан гэжуугаа. Их ч юм сурч, их ч ажиллаж бас ихээ хөөрхөн урамшуулал ч авсан гэжуугаа. 
• За бас нэг үл ойлголцох асуудлаас болж хөөрхөн шаралхаад ажлаасаа өөрийн хүсэлтээр гарсан байгаан бас.
• Улсад биеийн хүчээ үнэлсэн 18 жилийн хугацаанд амраагүйгээрээ амарч өөртөө сайхан чөлөө өгөөд гэр бүлдээ үр хүүхдүүддээ өөрийгөө бүрэн зориулж унтахыг үзүүлж өгсөн 2 сар гаран хугацаа байлаа.
• Амьдралынхаа хэдэн жилийг өнгөрүүлсэн Эрдэнэтдээ очиж эгчийнхээ хүүгийн хуримын зохион байгуулагчаар ажилласан 10-аад хоног ч бас онцгой сайхан үе байлаа.
• Хуучин ажиллаж байсан системээсээ тэс өөр системд шилжин ажиллахаар шийдвэрлэн ажлын ярилцлагад ороод албан тушаалаа тодорхойлсон боловч хуучин байгууллагын урилга, нөхцөлд татагдаад эргэж буцсан гэжуугаа.
• Чи бас энэ байгуулагадаа хэрэгтэй хүн юм байна шүү. Эргээд ирааа гэсэн урилгын дагуу буцаж ирсэн гэжуугаа. Зарим нэгэн хүмүүсийн хэлснээр биеэн үнэлсэн үнэлүүлсэн хэрэг боллоо доо. 
• Эргэн ирэхдээ албан тушаал ахиж Байгууллагынхаа нэгэн том бүлийг толгойлох болсноор дахин завгүй, цаг минут тутам суралцах гэж гүйсээр 4 сарыг үдсэн байна. 
• 4 сарын хугацаанд 1 сар 10 хоногийг орон нутагт томилолтоор ажиллахад зарцуулж 7 аймгийн 8 газарт ажиллаж, хуучин танилуудтайгаа нүүр тулж бас шинэ шинэ олон хүмүүстэй танилцаж, таньсан байхым.

За нэг иймэрхүү ачаалалтай бас ололтой жил байлаа.
2010 он минь баяртай, 2011 он минь Сайн байна уу

Диалог гэжуугаан

- Ээжэээ ааав та хоёр хаана учирсий
- Ай????????
- Та 2 хаана учирсиймэээ
- Ааан хамт ажилдаг байсышд
- Та аавын ажилд орсиймуу, аав таны ажилд орсиймуу
- Ээж нь аавынх нь ажилд орсон байхоооо
- Тэгүүл аав таныг бүлцгэр гэж хэлжээснүүү?
- Гүүүайхооо яассс?
- Аааа гошин шог шиг л хихи

Meedku

Yugsenchugiin